想要好奶奶？做足這五點，收買奶奶心！
在媽媽谷裡，當談起奶奶的話題的時候，很多媽媽會抱怨和奶奶相處的問題，只有很少數媽媽會讚奶奶好！婆媳問題由古到今，而且不論國籍，相信都是千年難解的難題！找到好老公難，如果有個好奶奶更加難上難！
老公可以挑選，老公媽媽不由得我們選擇！那只好改變自己睇法，由自己做主動改善與奶奶關係！我們總會希望老公考順我們媽媽，我們做新抱的當然都應該孝順奶奶！
自從有了Timtam仔之後我更加明白，十月懷胎，二三十年愛錫哉培養育仔仔，幾年間就比另一個女人搶走，做媽媽的總會有點失落感，如果新抱對我好，我多個女兒孝順我，而且能照顧我兒子，我才會放心交托仔仔給她！
想要好奶奶，我們做後輩的可以主動出擊，先做個好新抱！我有少少個人心得想分享，我奶奶人很隨和那種，所以比較容易相處，比大家一些心得參考：
1. 多溝通、多關懷
見到面可以多點和奶奶閒談，我每次都會先講天氣，天氣凍左呀呢兩日，有冇著夠衫呀，有冇煲湯水潤下呀⋯⋯
由講天氣開始，可以引伸去不同話題，關心一下奶奶，聽她分享，大家多點溝通，多點了解。有時候也可以打電話比奶奶，慰問關心她，呢兩日落大雨呀有冇出去飲茶呀…
2. 細心搵位稱讚
女人都喜歡被人讚！但又不好做得太假，我會搵位去讚奶奶，例如有日奶奶穿了件新衫，就讚她件衫著得好睇，又或者奶奶煲左湯，就讚她煲湯好甜好好飲，重點係要搵位讚，要真心讚唔好做得太假，睇得出架！
3. 老公是你最好的公關
如果你有一位神隊友，他應該會懂得在適當時間表揚一下，你曾經做過好老婆的表現比奶奶知，不過很多時，老公都是豬隊友，唯有提下老公，記得在奶奶面前讚下自己，比個好印象奶奶，最好能隱惡揚善，當然你都要做d野，令自己有值得讚的地方。
4. 識都要扮唔識
奶奶照顧左老爺和你老公幾十年，一定有一套做事方法，或許同我們新一代的處理方法不一樣，如果無傷大雅，我會靜心聽奶奶講她的做法，就算我自己識，都會扮唔識問點解呀？咩黎架？點整架？當學多一個新方法，之後跟唔跟佢個方法做自己決定，但至少減少正面衝突。
5. 過時過節要送禮
做左新抱之後，過時過節都要送禮比奶奶，人人喜好不同，平時多細心留意奶奶的喜好，或缺少、不捨得買的物品！如果仍然沒有頭緒，送花膠鮑魚冬菇這些送禮佳品一定人見人愛，如果怕不懂烹調，可以買現成的，方便快捷！如果忙到沒時間買，都記得要封利是比奶奶，多少隨意，心意最重要！
其實奶奶養育左我們老公幾十年，是應該要好好報答她養育之恩，上一輩思想和我們雖然有很大分別，他們的出發點都是為我們好，我們做新抱的可以比多一點主動，多一點體諒，多一點關心，加多少少老公的公關投巧，只要有心，我相信終有日大家都會收買到奶奶的心！
（圖為我奶奶與Timtam仔，奶奶的外套是我幾年前送她的生日禮物）
Search